Jas jýrnalıster arasynda «Ańsar» respýblıkalyq baıqaýy jarııalandy

ASTANA. QazAqparat - «Innovatsııalyq damý» QB jýrnalıster klýbynyń qamqorlyqqa alýmen QR Bilim jáne ǵylym mınıstirliginiń qoldaýymen jas jazýshylar, jýrnalıstıka fakýltetiniń stýdentteri jáne qazirgi tańda jumys atqaryp júrgen jýrnalıster arasynda «Ańsar» atty respýblıkalyq ádebı baıqaýyn jarııalaıdy.

Baıqaýdyń uıymdastyrylý maqsaty - qazirgi qazaq ádebıetin, otandyq jýrnalıstıka jáne basylymdardy dáripteý, jastardyń shyǵarmashylyq múmkindikterin damytý jáne qoldaý. Jýrnalıstıkaǵa, poezııaǵa qyzyǵýshylyǵy bar, prozalyq shyǵarmalar jazatyn 14 pen 29 jas aralyǵyndaǵy jastar qatysýǵa shaqyrylatyn baıqaý kelesi nomınatsııalar boıynsha ótkiziledi: «2015 jyldyń úzdik jas prozashysy», «2015 jyldyń úzdik jas aqyny», «2015 jyldyń úzdik jas telejýrnalısi». Baıqaý jumysyn qazaq jáne orys tilderinde jazýǵa bolady. Bir avtor birneshe jumysyn jibere alady. Olardy [e-mail] elektrondyq mekenjaıyna jiberý kerek, dep habarlaıdy 24.kz.