Jas jubaılar toı kóılegimen daýys berýge keldi - Qyzylorda (FOTO)
QYZYLORDA. QazAqparat - Aýdandyq oqýshylar úıinde ornalasqan №56 saılaý ýchaskesinde jas jubaılar daýys berdi.
Qazaly aýdandyq ákimdiginiń baspasóz qyzmetiniń habarlaýynsha, toı kóılegin kıgen qalyńdyq - Ásem Aqmyrzamen kúıeý jigit - Jasulan Sanaevpen birge kezekke turyp, óz daýystaryn bergen. Olar saılaý kúni otbasyn qurǵandaryna erekshe qýanyshty.
Ásem Aqmyrza men Jasulan Sanaevtyń aıtýynsha, bul kúnniń olar úshin orny erekshe. «Jas otbasy retinde elimizdiń bolashaǵy úshin daýys bergenimizge qýanyshtymyz», - deıdi jas jubaılar.
