Jas jigitti saýda ortalyǵynda pyshaqtap ketti - Qostanaı
QOSTANAI. QazAqparat - Oblys ortalyǵyndaǵy saýda ortalyqtarynyń birinde jas jigitti pyshaqtap ketti, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Oqıǵa keshe Qostanaı qalasynda bolǵan.
«29 jastaǵy er adam 23 jastaǵy jigitke pyshaq jumsaǵan. Jábirlenýshi alǵan jaraqaty saldarynan aýrýhananyń hırýrgııa bólimshesine jetkizildi», - delingen vedomstvonyń baspasóz habarlamasynda.
Polıtseıler kúdiktiniń «izin sýytpaı» qolǵa túsirdi. Qazirgi ýaqytta atalǵan fakt boıynsha sotqa deıingi tergep-tekserý sharalary júrgizilýde.
