Jas jigit «VKontakte» áleýmettik jelisine beınerolık jarııalaǵany úshin 2 jylǵa sottalýy múmkin
ASTANA. QazAqparat - Reseı Federatsııasy Sýrgýt qalasynyń 19 jastaǵy turǵyny «VKontakte» áleýmettik jelisindegi jeke paraqshasyna ekstremıstik pıǵyldaǵy beınerolık jarııalaǵany úshin 2 jyl bas bostandyǵynan aırylýy múmkin, dep jazady «Mýksýn» radıosy.
Tergeýshilerdiń aqparatyna súıensek, ol 2014 jyldyń jeltoqsanynan bastap, 2015 jyldyń aqpan aıyna deıin óziniń jeke kompıýterinen «VKontakte» áleýmettik jelisindegi jeke paraqshasyna aýdıofaıl, beınerolıkter jarııalap kelgen. Saraptama qorytyndysy boıynsha, ol jarııalaǵan materıaldar ultaralyq arazdyqty qozdyrý sıpatynda, ózge adamdardyń ar-namysyn qorlaıtyn, ekstremıstik pıǵylda bolǵan.
Osyǵan qatysty qozǵalǵan qylmystyq is sotqa joldandy. Endi kúdikti 300 myń rýblge deıin aıyp tóleýi nemese 2 jyl túrmege otyrýy múmkin.
