Jas jigit saıabaqtan salmaǵy 2,89 karat almas taýyp aldy

Fox News habarlaǵandaı, 20 jastaǵy Brendon Kalenda alǵashynda burshaqtaı ǵana baǵaly tasty shynynyń synyǵy dep oılap qalǵan, biraq saıabaq qyzmetkerleri onyń bul kúdigin seıiltti.

Jas jigit tasty uly Djeksonnyń qurmetine Djeks dep atady. Almastyń quny shamamen 20 myń dollarǵa baǵalanǵan, alaıda Kalenda ázirge ony satatyn oıy joqtyǵyn aıtty. "Almas krateri" saıabaǵynyń ereksheligi sol, munda kelgen kez kelgen adam baǵaly tasty izdep taýyp alǵan soń oljalaryn ózderine qaldyra alady. Aıta keteıik, jyl basynan beri bul saıabaqtan salmaǵy shamamen bir karat bolatyn 40-tan astam baǵaly tastar tabylypty.