Jas jigit ınternetke táýeldiliginen arylý úshin qolyn kesip tastaǵan
ASTANA. QazAqparat - Qytaılyq Tszıansý provıntsııasynda ınternetke qumarlyǵy úshin jas jigit sol qolyn kesip tastaǵan. «Kishkentaı Vang» esimimen tanymal jasóspirim qolynyń joqtyǵy ony ınternetke táýeldilikten aryltady dep sheshken, dep jazady Metro.
19 jastaǵy «veb-táýeldi» jigit anasyna jazba qaldyryp, ashana pyshaǵyn alyp kóshege shyǵyp ketedi. «Apa men birshama ýaqyt aýrýhanada bolamyn», - dep jazǵan.
Ol sol qolyn kesip tastap, jerge laqtyryp jibergen. Artynsha taksı shaqyryp, aýrýhanaǵa jetken. Dárigerler polıtsııa taýyp ákelgen balanyń kesilgen qolyn qaıtadan jalǵap bergen. Alaıda dárigerler onyń qoly oıdaǵydaı jumys istep ketetinine kepildik bermepti.
