Jas jigit bóten páterde órtenip kete jazdady
ALMATY. QazAqparat - Almatynyń órt sóndirýshileri janyp jatqan páter ishinen jas jigitti alyp shyqty. Qutqarýshylar adam ómirin saqtap qalý úshin páter esigin buzyp kirýge májbúr bolǵan, dep habarlaıdy, QazAqparat tilshisi.
Kórshiler páterdiń tútindep jatqanyn, ishinen kómek surap aıqaılaǵan daýysty estip, quzyrly organǵa habarlaǵan. Anyqtala kele, jas jigittiń ol páterde turmaıtyny belgili bolǵan. Kórshilerdiń aıtýynsha, ol 70 jastaǵy zeınetkerge kelip turatyn. Bul joly úıde eshkim bolmaı ózi qamalyp qalǵan.
Qutqarýshylar ony jedel járdem arqyly qala aýrýhanalarynyń birine jóneltti. Jas jigittiń denesindegi kúıik deńgeıi men onyń jaǵdaıy ázirge belgisiz. Boljam boıynsha, órt kire beris bólmeden bastalǵan.
