Jas urpaq UOS ardagerlerine taǵzym etti
Merekelik shara barysynda Respýblıkalyq Jas Ulan sarbazdary Álııa eskertkishine gúl shoqtaryn qoıyp, S.Seıfýllın atyndaǵy QazATÝ shyǵarmashylyq ujymy jurtshylyq nazaryna mektep oqýshylarynyń qatysýymen uıymdastyrylǵan mýzykalyq-dramalyq qoıylymyn jáne saltanatty kontserttik baǵdarlamasyn usyndy.
«Biz búgingi merekelik shara arqyly qazaqtyń batyr qyzdary Álııa men Mánshúk rýhyna taǵzym etip qana qoımaımyz, qaısar qos qarlyǵash - barlyq erjúrek jastardyń sımvoly ispettes, sondyqtan da biz búgin UOS-da erlik kórsetken barlyq ardagerlerge myń da bir alǵysymyzdy bildirmekpiz», - dep Saryarqa aýdanynyń ákimi Sábıla Mustafına mádenı sharanyń negizgi maqsatyna toqtaldy.
Sábıla Mustafınanyń aıtýynsha, búgingi shara arqyly qala halqy ardagerlerge degen qurmeti men sheksiz alǵysyn bildirýge múmkindik alyp otyr. Qazirgi tańda Saryarqa aýdanynda 400-ge jýyq ardager bar.
«Bizdiń ardagerlerimizdiń qoǵamdyq belsendiligi, jaýapkershiligi, bıik patrıottyq rýhy tańǵaldyrady. Olar egde tartqan jastaryna qaramastan mektep oqýshylarymen jıi kezdesip, qoǵamdyq sharalarǵa aralasyp, ósıet-ónegesin berip jatady, sondyqtan da UOS ardagerleriniń ulaǵatty urpaq tárbıeleýdegi alatyn orny aıryqsha», - dedi ákim jýrnalısterge bergen suhbatynda.
