Jas urpaq Muqaǵalı rýhyna taǵzym etti
ASTANA. 16 aqpan. QazAqparat /Aınur Kenebaeva/ - Búgin qalalyq ortalyqtanǵan kitaphanalar júıesi 11-shi fılıalynyń ujymy Syrbaı Máýlenov atyndaǵy №37 mekteppen birlese otyryp, Muqaǵalı Maqataevtyń 80 jyldyq mereıtoıyna arnalǵan «Óleńi - ómir shyndyǵy» atty poezııa keshin ótkizdi.
Qoǵamdyq mańyzy qomaqty atalmysh shara barysynda oqýshylar men ustazdar qaýymy nazaryna aqıyq aqynnyń ónegeli ómir tarıhynan syr shertetin beıne materıal usynylyp, móldir sezimniń tuńǵıyǵynan týyndaıtyn taza tolqynnyń qudiretin asqaqtatatyn «Mahabbat dıalogy» kórkem kórinis etip sahnalandy, daryny dara aqynnyń óleńderi oqylyp, ánderi oryndaldy.
Jyr qadirin baǵalaı biletin jas urpaq ókilderi ómir shyndyǵyn óleńine ózek etken ón boıy óleń men órtten órilgen ózgeshe aqynnyń rýhyna taǵzym etip, óleńi arqyly ózimen syrlasyp, qazaq halqynyń ádebı marjanyna aınalǵan baı murasynan sýsyndady.
Igi sharanyń maqsaty jas urpaqtyń boıyna uly dalamyzdyń uly tulǵalaryna degen qurmet sezimin uıalatý men jas qalamgerlerdiń talabyn shyńdap, poezııaǵa baýlý ekendigine toqtalǵan ortalyqtanǵan kitaphanalar júıesi 11-shi fılıalynyń meńgerýshisi Sáýle Kerimbaıqyzy ótkizilip jatqan poezııa keshiniń tárbıelik mańyzyn aıryqsha atap ótti.
