Jas urpaq aldyńǵy býynnan úlgi alýy kerek - Ahmetjan Esimov
Y. Mamyrdyń 7-si. QazAqparat /Erlik Erjanuly/ - "Búgin - qasıetti mereke". Otan qorǵaýshylar kúnine oraı Almatydaǵy Táýelsizdik monýmentine saltanatty gúl shoǵyn qoıý rásimi kezinde osylaı aıtyldy,
dep habarlaıdy QazAqparat.
"Jańa aqsaqaldarǵa aıttym, arttaryńyzda izderińizdi qýyp kele jatqan bizdiń jas ofıtserlerdiń bári sizderden úlgi alýlary qajet. Otanyn jan júregimen súıip, ol úshin jan qııýdan da qoryqpaý kerek. Otan qorǵaý - árbir azamattyń uly paryzy", dedi qala ákimi Ahmetjan Esimov. Bul sharaǵa qalalyq ardagerler keńesi, Aýǵan soǵysy men Chernobyl apatyn joıýǵa qatysýshylar jáne jastardyń uıymdarynyń, sondaı-aq qarapaıym jurtshylyq ókilderi qatysty. Saltanatty shara barysynda azamattyq paryzyn óteý kezinde jan qıǵan Otan qorǵaýshylardyń rýhyna taǵzym jasalyp, bir mınýttyq únsizdik jarııalandy.
