«Jas ulandyqtar» qataryna jańadan qosylǵan oqýshylar ant qabyldady

Bıyl«Jas ulan» respýblıkalyq mektebine 12 jyl tolyp otyr. 1999 jyly dál osy kúni Memleket basshysy - Qarýly Kúshterdiń Joǵarǵy Bas qolbasshysy Nursultan Nazarbaevtyń qatysýmen mekteptiń saltanatty ashylý rásimi ótken bolatyn.

«Naǵyz komandır atanýǵa jáne Otandaryńyzdyń berik qorǵaýshysy bolýǵa yntalanyńyzdar. Qazaqstandyq armııanyń negizin bilikti kásibı áserı qyzmetshiler qalaıtyndyǵyn esterińizden shyǵarmańyzdar. Sizderge - Jas ulandyqtarǵa bizdiń Otanymyzdyń strategııalyq maqsatyn oryndaý, XXI ǵasyrdyń joǵary kásipqoı armııasynda qyzmet etý baqyty túsip otyr», - dedi QR Qorǵanys mınıstrliginiń Áskerı bilim jáne ǵylym departamentiniń bastyǵy, general-maıor Ashat Ryspaev.

Mektep tárbıelenýshileri 5 synyptan 11 synypqa deıin oqıdy. Qorǵanys mınıstrliginiń basshylyǵy mekteptiń zaman talabyna saı jabdyqtalýyna erekshe mán berýde. Bul jerde zamanaýı 11 ınteraktıvti synyp, jabyq júzý basseıni bar. Mekteptiń 2010 jylǵy túlekteri Ulttyq biryńǵaı testileýde jaqsy tabystarǵa qol jetkizdi. Mektep boıynsha ortasha kórsetkish 90,4 baldy qurady. 2007 jylǵy qyrkúıekten beri 10 synyptyń ulandary jaz aılarynda TL-2000 jeńil motorly ushaqtardy baǵyndyrýǵa atsalysyp keledi. Ony aıaqtaǵannan keıin jeńil ushaqtardy meńgergen ushqysh qujatyn alady.