«Jas ulan» uıymyn damytýdyń jańa strategııasy ázirlenip jatyr

ASTANA. KAZINFORM – «Jas ulan» uıymyn damytýdyń jańa strategııasy ázirlenip jatyr. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan. 

«Búgingi tańda Qazaqstanda 400-den astam jastar uıymy belsendi jumys isteıdi. Olardyń 20-sy respýblıkalyq deńgeıdegi jobalardy júzege asyrady. Olardyń qyzmetin qoldaý, sondaı-aq memlekettik organdarmen ózara is-qımylyn kúsheıtý maqsatynda memlekettik áleýmettik tapsyrys pen granttar (jastar arasynda dástúrli qoǵamdyq qundylyqtardy dáripteý, olardy tabysty áleýmettendirý úshin jaǵdaı jasaý, quqyq buzýshylyqtardyń profılaktıkasy jáne t.b.) qoldanylady. «Jas ulan» respýblıkalyq biryńǵaı balalar men jasóspirimder uıymynyń qatarynda búgingi tańda 2,5 mln oqýshy («Jas qyran» tómengi býynynda – 1 021 083, «Jas ulan» joǵary býynynda – 1 254 545, «Jas sarbaz» uıymynda – 45 193 oqýshy) bar», - dedi Úkimet basshysy jaýabynda.

Onyń atap ótýinshe, osy ýaqyt ishinde «Jas ulan» uıymy birqatar halyqaralyq jastar uıymymen (ıÝNISEF, Eýrazııalyq odaqtyń Jastar keńesi jáne t.b.), Reseıdiń, Belarýstiń, Ózbekstannyń uqsas balalar uıymdarymen yntymaqtastyq ornatty. Halyqaralyq ortada Qazaqstannyń oń tájirıbesin tarata otyryp, tájirıbe almasý boıynsha júzdegen is-shara ótkizdi.

«Jas Ulan» uıymyn transformatsııalaý maqsatynda «Biryńǵaı tárbıe» baǵdarlamasynyń qundylyqtary men «Adal azamat» ıdeologııasyna negizdelgen «Jas ulan» uıymyn damytýdyń jańa strategııasy (jaýapkershilikke úıretý, jergilikti sıpattaǵy problemalardy sheshýge úles qosý, áleýmettik kóshbasshylyq mektebin iske asyrý, mektep volonterligin damytý, ekologııalyq mádenıetti, áleýmettik tájirıbe men adamgershilik qundylyqtardy qalyptastyrý jáne t.b.) ázirlenip jatyr», - dedi Oljas Bektenov.