«Jas Ulan» respýblıkalyq mektebiniń áskerı qyzmetkerleriniń 35 otbasy páter aldy
bsp; Aqpannyń 17-si. QazAqparat - «Jas Ulan» respýblıkalyq mektebiniń áskerı qyzmetkerleriniń 35 otbasy - tárbıeshi-ofıtserler, kelisimshart boıynsha áskerı qyzmetkerler jaıly jáne keń páterler aldy,
dep habarlady Qorǵanys mınıstrliginiń baspasóz qyzmetinen.
Esterińizge sala keteıik, Jas ulan» mektebi 1999 jyldyń qarasha aıynda Elbasy, Qarýly Kúshterdiń Joǵarǵy Bas qolbasshysy Nursultan Nazarbaevtyń qatysýymen ashylǵan bolatyn. Oǵan Keńes Odaǵynyń Batyry, Halyq qaharmany, Qazaqstannyń tuńǵysh qorǵanys mınıstri, armııa generaly Saǵadat Nurmaǵambetovtiń esimi berildi. Mektepte bolashaq Otan qorǵaýshylarymyzdyń sapaly bilim, sanaly tárbıe alýlaryna jan-jaqty múmkindikter jasalǵan. «Jas ulan» jalpy orta bilim berip qana qoımaı, aǵylshyn jáne qazaq tilderin tereńdetip oqytady. Munda alǵashqy áskerı daıarlyq pen dene tárbıesine erekshe nazar aýdarylady. Mektep zamanaýı qural-jabdyqtarmen, oqý-ádistemelik bazamen qamtamasyz etilgen.
Úkimet sheshimine sáıkes, elordalyq ákimdik «Jas Ulan» mektebine «Jalǵa beriletin baspana» baǵdarlamasy boıynsha «Everest», «Eskendir» jáne «Tabys formýlasy» turǵyn úı keshenderinen 35 páter berip otyr.
