«Jas ulan» respýblıkalyq mektebine júz kitap pen S.Nurmaǵambetov týraly «OtAsý» romanynyń jıyrma danasy tartý etildi
Bul týraly atalǵan qordyń baspasóz qyzmeti.
«Bizdiń qyzmetimizdiń arnaly bir salasy jas urpaqty otanshyldyqqa tárbıeleý bolyp tabylady, - dedi sharany ashar sózinde Memlekettik tildi damytý qorynyń dırektory Azat Sháýeev. - Bıyl Uly Jeńistiń 70 jyldyǵyna arnap, jastar arasynda el men jerdi súıýdiń, taǵdyrlas otandastarmen ózara tatý-tátti ómir súrip, respýblıkamyzdyń gúldenýine atsalysýdyń perzenttik paryz ekendigin jan-jaqty nasıhattaýdamyz. Búgingi kezdesý sonyń bir mysaly ǵana».
Kezdesý barysynda Keńes Odaǵynyń Batyry, birinshi Halyq Qaharmany, táýelsiz elimizdiń tuńǵysh qorǵanys mınıstri, armııa generaly Nurmaǵambetov Saǵadat Qojahmetuly týraly «OtAsý» roman-dılogııasynyń avtory, jazýshy-jýrnalıst Bolat Júnisbekov bolashaq generaldarǵa halqymyzdyń birtýar qaıratkeri týraly keń áńgimeledi. Jastarǵa qarshadaı qazaq balasynyń maıdandaǵy erligi men beıbit kezeńdegi qajyrly qyzmeti jóninde naqty mysaldar keltirdi. Sonymen qatar tuńǵysh mınıstrdiń Elbasy - Joǵarǵy Bas qolbasshy N.Á.Nazarbaevtyń tikeleı basshylyǵymen tól Qarýly kúshterimizdi nyǵaıtý jolyndaǵy eren eńbegi jastarǵa úlgi etildi.
«Jas ulan» mektebiniń ujymy atynan dırektordyń orynbasary Amantaı Jarbosynov bolashaq Otan qorǵaýshylar daıarlaýdaǵy qyzmetteri týraly oı bólisip, sharany uıymdastyrýshylarǵa óz rızashylyqtaryn bildirdi.
Memlekettik tildi damytý qory mekteptiń kitaphanasyna ártúrli taqyryptaǵy qazaqsha júzden asa kitap pen Saǵadat Nurmaǵambetov týraly «OtAsý» romanynyń jıyrma danasyn syıǵa tartty.
