«Jas ulan» respýblıkalyq mektebine qabyldaýǵa ózgerister engizildi (FOTO)
Endi áskerı mektepke jalpy bilim beretin mekteptiń 9 synybyn bitirgen jáne negizgi orta bilimi týraly kýálik alǵan jetkinshekter (budan buryn irikteý 7 synyptan júrgizildi) oqýǵa túse alady, dep habarlaıdy QR Qorǵanys mınıstrliginiń baspasóz qyzmeti.
«Jas ulan» mektebine túsý úshin jasóspirimderge kásibı-psıhologııalyq irikteýden, dene daıarlyǵy tekserisi men medıtsınalyq kýálandyrylýdan ótý qajet. Qabyldaý kezeńderin sátti ótý sońǵy baıqaý irikteýine ótýdi qamtamasyz etedi. Munda úsh kezeń men negizgi orta bilimi týraly kýáliktiń ortasha upaıy nátıjelerine sáıkes qabyldaý komıssııasy negizgi reıtıngtik ball shyǵarady jáne oqýǵa qabyldaý nemese bas tartý týraly sheshim qabyldaıdy.
Baıqaý irikteýin bozbalalar tikeleı «Jas ulanda» ótetinin aıta keteıik. Sondyqtan 10 tamyzda olar elimizdiń ár óńirinen Astanaǵa keledi.
«Jas ulan» respýblıkalyq mektebi memlekettik jáne shetel tilderin, áskerı pánderdi tereń oqytatyn, sondaı-aq kúsheıtilgen dene daıarlyǵy bar jalpy bilim berý baǵdarlamalary boıynsha daıyndyqty júzege asyratyn áskerı oqý orny.