«Jas ulan» mektepterine ınnovatsııalyq oqytý ádisteri engiziledi

ASTANA. QazAqparat - Elordadaǵy Saǵadat Nurmaǵambetov atyndaǵy «Jas ulan» respýblıkalyq mektebinde «Nazarbaev ıntellektýaldyq mektebi» avtonomdy bilim berý uıymynyń tájirıbesin translıatsııalaý qorytyndysy boıynsha jattyqtyrý sabaǵy jáne dóńgelek ústel ótti.

Bul is-sharaǵa QR Qorǵanys mınıstrligine qarasty Bilim jáne ǵylym departamentiniń, Ulttyq qorǵanys ýnıversıtetiniń, «Nazarbaev ıntellektýaldyq mektebiniń» ókilderi, sondaı-aq Astana, Almaty, Qaraǵandy jáne Shymkent qalalaryndaǵy «Jas ulan» respýblıkalyq mektepteriniń basshylyǵy men oqytýshylar quramy qatysty, dep habarlaıdy mınıstrliktiń baspasóz qyzmeti.

Astana qalasyndaǵy «Jas ulan» mektebiniń muǵalimderi oqý protsesinde ınnovatsııalyq oqytý ádisterin engizý men ony tájirıbede paıdalanýdy kórsetti. Bul muǵalimder men ulandyqtardyń arasynda ózara is-qımylda barynsha tıimdi nátıjelerge jetýge, tárbıelenýshilerdiń boıynda jan-jaqty ıntellektýaldyq, baılanys jáne shyǵarmashylyq sheberlikti damytýǵa baǵyttalǵan ymyrasyz jańa tásilder men ádister. Barlyq áskerı mekteptiń ókilderi oqý úderisine atalǵan ınnovatsııalyq oqytý ádisterin engizý barysyn jetkizdi. Pedagogıkalyq sheberlik ortalyǵynyń mamandary áskerı mektepterde sabaqtardy ótkizý sapasyna óz tarapynan joǵary baǵa berdi. Jattyqtyrý sabaǵy men dóńgelek ústeldiń sońynda qatysýshylar 2016 jylǵy yntymaqtastyqtyń qorytyndysyn shyǵaryp, ári qaraı jumys baǵyttaryn aıqyndady.  

 

QR Qorǵanys mınıstrliginiń «Jas ulan» respýblıkalyq áskerı mektebi men «Nazarbaev ıntellektýaldyq mektebi» arasyndaǵy yntymaqtastyq buryn qol qoıylǵan memorandým aıasynda iske asyrylatynyn atap ótken jón. Aǵymdaǵy jyly ozyq tájirıbelerdi translıatsııalaý jóninde keshendi is-sharalar ótkizildi, atap aıtqanda, áskerı mekteptiń muǵalimderi men kitaphanashylary tıimdi oqytýdy oqý protsesine engizý boıynsha arnaıy kýrstardan jáne trenıngterden ótti.