«Jas ulan» mektebi túlekterin saltanatpen shyǵaryp saldy (FOTO)
ASTANA. QazAqparat - Búgin 9 maýsymda Astanada «Otan qorǵaýshylar» alańynda armııa generaly S.Nurmaǵambetov atyndaǵy «Jas ulan» respýblıkalyq mektebi tárbıelenýshileriniń saltanatty 14-shi mereıtoılyq shyǵarylymy ótti, dep habarlady QR Qorǵanys mınıstrliginiń baspasóz qyzmetinen.
Bıyl «Jas ulan» mektep qabyrǵasynan mektep qurylǵaly beri sany jaǵynan eń kóp adam, 75 ulan túlep shyǵady. 2013 jáne 2014 jyldary mektepti 55 jáne 64 ulan bitirip shyqqan. «Jas ulan» tárbıelenýshileriniń 2015 jylǵy UBT-daǵy ortasha baly 85,2 qurady. Bul deńgeı byltyrǵy jylǵa qaraǵanda joǵaryraq boldy (2014 jyly - 81,3).
Búgin bolashaqta QR Qarýly Kúshter men ózge de kúshtik qurylymdardyń ofıtserleri, óz Otanynyń naǵyz qorǵaýshylary bolatyn túlekterge, sondaı-aq is-shara qonaqtaryna QR QK 68 665 á/b qurmet qaraýyl rotasynyń qysqartylǵan paradtyq eseptobynyń defılesi kórsetildi. Saltanatty sharaǵa Qorǵanys mınıstrliginiń ókilderi, ulandardyń ata-analary, Qarýly Kúshterdiń ardagerleri qatysty. «Jas ulan» mektebi tárbıelenýshileriniń daıyndyq deńgeıi jyl saıyn ósip kele jatqanyn atap ótken jón. Bitirýshi ulandar ulttyq biryńǵaı testileýden súrinbeı ótip, joǵary nátıjeler kórsetýde. Byltyrǵy jyly «Jas ulan» 64 bitirýshini túletip shyǵarǵanyn eske salaıyq. Búginde olardyń barlyǵy Qurlyq áskerleriniń Áskerı ınstıtýtynda, Keńes Odaǵynyń eki márte batyry Talǵat Bıgeldınov atyndaǵy Áýe qorǵanysy kúshteriniń Áskerı ınstıtýtynda, Radıoelektronıka jáne baılanys áskerı-ınjenerlik ınstıtýtynda, QR UQK, TJM jáne ІІM joǵary oqý oryndarynda bilim alýda. Sondaı-aq, Reseı, Belarýs jáne Qytaı qorǵanys mınıstrlikteri áskerı joǵary oqý oryndarynyń kýrsanttary bolyp tabylady.\
