«Jas ulan» kýrsanttary Jańa jyldy jańa mektepte merekeledi
ASTANA. 24 jeltoqsan. QazAqparat - Jańa jyldyń qarsańynda armııa generaly Saǵadat Nurmaǵambetov atyndaǵy «Jas ulan» respýblıkalyq mektebiniń tárbıelenýshileri úshin jaqynda Memleket basshysy Nursultan Nazarbaev Astanada ashqan jańa mektep qabyrǵasynda merekelik shara uıymdastyryldy. Bul týraly QR Qorǵanys mınıstriliginń baspasóz qyzmeti habarlaıdy.
Saltanatty shara mınıstrdiń birinshi orynbasary - QR Qorǵanys mınıstrliginiń Shtab bastyqtary komıtetiniń tóraǵasy Sáken Jasuzaqovtyń quttyqtaý sózimen bastaldy. Ol bolashaq Otan qorǵaýshylardy kele jatqan merekemen quttyqtap, olardyń jańa jylda jańa partalarǵa otyratyndaryn, «bul eń tamasha syılyq» ekendigin atap ótti.
QR Qorǵanys mınıstriliginde atap kórsetkendeı, bolashaq áskerı qyzmetkerler jańa jyldyq syılyqtardy saltanatty jaǵdaıda aldy. Mereke qonaqtary men saltanat ıeleri Aıaz Atamen jáne Aqshaqarmen birge merekelik shyrshany jaqty.
Qorǵanys vedomstvosy basshysynyń birinshi orynnbasary S.Jasuzaqov osyndaǵy ulandardyń aǵa urpaq izderimen júrip, halyq qadirlep-qurmetteıtin Otan qorǵaýshysy mamandyǵyn tańdaıtynyna senimin bildirdi, dep habarlaıdy QR Qorǵanys mınıstrliginiń baspasóz qyzmeti.
