«Jas ulan» áskerı ánder festıvali ótýde (FOTO)
ASTANA. QazAqparat - Qazaqstan Respýblıkasynyń Qarýly Kúshterinde áskerlerde tanymal jáne júrekten oryn tapqan jyl saıynǵy «Jas ulan» áskerı ánder festıvali ótip jatyr, dep jazady khabar.kz.
Festıvaldiń gala-kontserti aǵymdaǵy jyldyń qazan aıynyń sońynda ótedi. Festıval qatysýshylary úsh atalym boıynsha baq synaıdy. Olar: «vokalıst oryndaýshylar», «folklorlyq oryndaýshylar», «vokaldyq-aspaptyq ansamblder men oryndaýshylar». Jeńimpazdarǵa festıvaldiń baǵaly júldeleri, dıplomdar men Gran-prı tabystalady.
Sheshýshi gala-kontsertte festıvaldiń laýreattary men qurmetti qonaqtar ónerlerin pash etedi. Jyl saıyn festıval 4 aınalymda ótkiziledi: 1 aınalym - rota-batalon býynynda, ІІ aınalym - batalon-brıgada býynynda, ІІІ aınalym - QR QK óńirlik qolbasshylyqtarynda, ásker tekteri men túrlerinde ótedi.
Baıqaý sharttary mynalar: áskerı taqyryptaǵy, qazaqstandyq sazgerlerdiń nemese oryndaýshylardyń shyǵarmasyn, jeke (avtorlyq) mýzykalyq shyǵarmalardy, folklorlyq janrdaǵy týyndyny oryndaý.
«Jas ulan» áskerı ánder festıvali 1997 jyldan bastap ótkizilip keledi.
