«Jas ulan-2014» respýblıkalyq áskerı ánder festıvaliniń laýreattary marapattaldy (FOTO)
Kongress-holl sahnasyna jyl saıynǵy baıqaýdyń oryndaýshylary men shyǵarmashylyq ujymdardy «vokal», «folklor» «vokaldyq-aspaptyq ansambl» nomınatsııalary boıynsha fınaldyq tyńdaýdyń qorytyndysy nátıjesinde anyqtalǵan jeńimpazdar shyqty.
Atap aıtqanda, «vokaldyq-aspaptyq ansambl» nomınatsııasynda birinshi oryndy aeroutqyr áskerleri 18404 áskerı bóliminiń vokaldyq toby jeńip aldy. Al «folklor» nomınatsııasyndaǵy birinshi oryn «Shyǵys» óńirlik qolbasshylyǵy 40398 áskerı bóliminiń «Shashý» tobyna berilse, «Vokal» nomınatsııasynda birinshi orynǵa «Ońtústik» óńirlik qolbasshylyǵy 03858 áskerı bóliminen kelgen starshına Seıitqasym Imadýllaev ıe boldy.
Jas talanttar - jalpy bilim berý mektepteri, lıtseıler men kolledjderdiń oqýshylary da nazardan tys qalmady. Olar Astanaǵa elimizdiń túkpir-túkpirinen kelip óner kórsetti. Jas oryndaýshylarǵa «Jas ulan-2014» XVI respýblıkalyq áskerı ánder festıvaliniń dıplomdary tabys etildi.
Úzdik oryndaýshylyq sheberligi úshin júlde Qostanaı oblysy Qoldasabaev mektebiniń oqýshysy Lana Sapınaǵa berildi. Pavlodar oblysy №14 orta mektebiniń oqýshysy Stanıslav Baranov pen «Jas ulan» respýblıkalyq mektebi 2-shi rotasynyń oqýshysy Mádı Temirǵalıev eń úzdik patrıottyq án oryndaýshylar retinde kótermelendi.Festıvaldiń kórermender kózaıymy júldesi Soltústik Qazaqstan oblysynyń №17 orta mektebiniń oqýshysy Oleg Devıatkınge buıyrdy.
«Aýǵanstan jáne oqshaý soǵystar ardagerleri odaǵynyń» júldesimen «Ardager» vokaldyq-aspaptyq toby, sondaı-aq Rınat Shúkirov marapattaldy. Olar QR UQK Shekara qyzmetiniń atynan óner kórsetken bolatyn.
Sonymen qatar qatardaǵy jaýynger Mereke Qyrǵyzbaev (ulttyq ulan) jáne qatardaǵy jaýynger Sultan Baqytjandar (memlekettik kúzet qyzmeti) kótermeleý syılyqtaryn aldy. Bas júlde - «Jas ulan-2014» XVI respýblıkalyq áskerı ánder festıvaliniń gran-prıin Semeı qalasy «Jas ulan» daryndy balalar lıtseıiniń oqýshysy Mırat Jaqsylyqovqa QR Parlamenti Májilisiniń depýtaty, Halyq Qaharmany Baqytjan Ertaev tabys etti.
Aıta keteıik, bul festıval Qazaqstan Qarýly Kúshteriniń mádenı ómirindegi mańyzdy oqıǵaǵa aınaldy. Árbir konkýrsqa qatysýshy óziniń shyǵarmashylyq áleýetin ashyp kórsetýge múmkindik aldy, al áskerı ánderdiń tamasha oryndalýy Qazaqstan armııasy men áskerı qyzmettiń abyroıyn arttyrý isine eleýli úles qosty.