«Jas ulan-2014» áskerı ánder festıvaliniń qorytyndy kezeńi ashyldy (FOTO)

ASTANA. QazAqparat - Búgin 16-shy respýblıkalyq «Jas ulan-2014» áskerı ánder festıvaliniń qorytyndy kezeńiniń saltanatty ashylý rásimi ótkizildi, dep habarlaıdy QR Qorǵanys mınıstrliginiń baspasóz qyzmetinen.

Ádilqazylarǵa áskerı ánshiler, folklorlyq shyǵarmalardy oryndaýshylar, vokaldi-aspapty toptar óz talanttaryn baǵalatpaq.

Qatysýshylarǵa, onyń ishinde alǵash ret qatysýshy áskerı oqý oryndarynyń tárbıelenýshilerine, áskerı-patrıottyq klýbtarǵa, jalpy bilim beretin mekteptiń joǵary synyp oqýshylaryna Qazaqstan kompozıtorlarynyń týyndylarymen qatar óz shyǵarmalaryn, folklorlyq janrdaǵy shyǵarmalardy oryndaý usynylady.

І-shi áskerı-patrıottyq forýmǵa ázirlik sheńberinde ótkizilgen qorytyndy kezeńnen keıin festıval laýreattarynyń gala-kontserti aǵymdaǵy jyldyń 17 qazanynda Astanadaǵy Kongress-holda ótedi.

Aıta keteıik, «Jas ulan» áskerı ánder festıvali 1997 jyldan beri jyl saıyn ótkizilip keledi. Shara maqsaty - jasóspirimderge, áskerge shaqyrylýshylarǵa, kelisimshart boıynsha áskerı qyzmetshilerge áskerı-patrıottyq tárbıe berý, áskerı ánderdi oryndaýshylar men ujymdardyń shyǵarmashylyq ósýine qoldaý kórsetý.