Jas tennısshi Zańǵar Nurlanuly Eýropa reıtınginde kósh bastap keledi
NUR-SULTAN. QazAqparat – Tennis Europe uıymy bıyl kúzde Monte-Karloda ótetin Junior Masters týrnırine oraı jańartylǵan reıtıngti jarııa etti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, 14 jasqa deıingiler arasynda Zańǵar Nurlanuly burynǵysynsha kósh bastap keledi. Onyń enshisinde 520 upaı bar.
Jalpyeýropalyq reıtıngte Zańǵar 4-orynda qaldy. Al Qazaqstannyń basqa jas juldyzdary Damır Jalǵasbaı men Danıel Tazabekov óz kórsetkishterin jaqsartty. Danıel 37-inshi, Damır 39-satyǵa kóterildi.
Jýyrda Úndistannyń Nıý-Delı qalasynda 14 jasqa deıingiler arasynda Azııa/Tynyq muhıt aımaǵy boıynsha ótken irikteý týrnırinde osy tennısshiler 3-orynǵa ıe bolyp, Qazaqstan jasóspirimder quramasy tuńǵysh ret álem chempıonatynyń fınaldyq kezeńine joldama alǵan bolatyn.
Halyqaralyq tennıs federatsııasy da 18 jasqa deıingiler arasynda álemdik reıtıngti jańartty. Munda úzdik 100 tennısshiniń qataryna kirgen Maksım Batıýtenko 77-orynǵa jaıǵasty. Islam Orynbasar 211-inshi, Danııl Felker 269-satyda tur. Danıal Rahmatýllaev birden 393-ten 371-ge, Ámir Omarhanov 704-ten 526-ǵa joǵarylady.
Qyzdar arasynda Arýjan Saǵyndyqova 77-ornyn saqtap qalsa, Sandýǵash Kenjebaeva 116-ynshy, Dana Baıdáýlet 147-inshi, Janel Rústemova 156-ynshy, Erkejan Arystanbekova 190-satyda keledi.
Eske sala keteıik, budan buryn Aleksandr Býblıktiń Madrıdte utylyp qalǵanyn, Elena Rybakınanyń shırek fınalǵa óte almaǵanyn jazǵan bolatynbyz.
