Jas tennısshi Zańǵar Nurlanuly Horvatııadaǵy týrnırdiń fınalısi atandy

ASTANA. KAZINFORM — Horvatııanyń Vrsar qalasynda ITF Juniors J300 serııasy boıynsha jasóspirimder arasynda dástúrli halyqaralyq týrnır máresine jetti.

Qazaqstandyq Zańǵar Nurlanuly chehııalyq Martın Doshkoshılmen birge juptyq synda tabysty óner kórsetti.

Qazaqstandyq-chehııalyq dýet fınalǵa deıin jetip, tek sońǵy básekede ǵana horvatııalyq Maksımovıch – serbııalyq Markorınaǵa jol berdi – 2:6, 3:6. 

Sóıtip Z.Nurlanuly atalmysh jarystyń fınalısi atandy.

Eske sala keteıik, budan buryn Dmıtrıı Popkonyń ITF týrnırlerinde bıylǵy besinshi tıtýlyna qol jetkizgenin jazǵan bolatynbyz.