Jas tennısshi Sonıa Jıenbaeva AQSh-taǵy jarystyń jeńimpazy atandy

ASTANA. KAZINFORM — Qazaqstandyq tennısshi, 19 jastaǵy Sonıa Jıenbaeva juptyq synda Ostın (AQSh) ITF W50 týrnırinde úzdik shyqty. 

Sonıa Jıenbaeva amerıkalyq Savanna Brodýspen birge favorıtter qatarynda bolmasa da, barlyq tórt kezdesýin jeńispen aıaqtady.

S.Jıenbaeva — S. Brodýs fınalda jarystyń 1-raketkalary, amerıkalyqtar Vıktorııa Osıgve — Alana Smıtpen betpe-bet keldi.

Birinshi partııada qazaqstandyq-amerıkalyq jup 4:0, 5:1 esebimen alǵa ketti. Budan keıin kort ıeleri esepti sál qysqartqanymen, Jıenbaeva — Brodýs setti taǵy bir breıkpen túıindedi — 6:3.

Ekinshi sette esep 4:3 bolǵan mezette Sonıa — Savanna breık jasap, sol basymdylyǵyn saqtap qaldy — 6:3.

Chempıondyq match 1 saǵattan astam ýaqytqa sozyldy.

Osylaısha, Sonıa Jıenbaeva juptyq synda tıtýldy jeńip aldy. 

Eske sala keteıik, budan buryn qazaqstandyq tennısshiniń AQSh-taǵy týrnırdiń fınalynda oınaıtynyn jazǵan edik.

Denıs Evseev Mysyrdaǵy týrnırdiń fınalyna shyqty.