Jas tennısshi Damır Jalǵasbaı Polshadaǵy jarysta jeńimpaz atandy

ASTANA. KAZINFORM — Polshanyń Krakov qalasynda tennısten jasóspirimder arasynda ITF J100 týrnıri aıaqtaldy.

Qazaqstandyq Damır Jalǵasbaı jekeleı synda úzdik shyqty.

Damır fınalda majarstandyq  Kolos Kınchesti 6:3, 6:4 esebimen utyp, chempıon atandy. Bul – onyń sporttyq jolyndaǵy ekinshi, bıylǵy birinshi tıtýly.

Sondaı-aq 12 jáne 14 jasqa deıingiler arasynda Tennis Europe jáne ATF jarystarynda da qazaqstandyq jasóspirimder jaqsy tabysqa qol jetkizdi. 

Chernogorııada ekinshi sanattaǵy TE dodasynda juptyq synda Aıym Qanaǵatova rýmynııalyq Marııa Chıchýmen birge sońǵy básekede Krıstına Shegaı (Qazaqstan) – Vısnıa Mıtıchti (Serbııa) tize búktirdi – 6:2, 6:2. 

Baký qalasynda ATF jarysynda qazaqstandyqtar ozyq shyqty. Fınalda jekeleı synda qyzdar arasynda Alısa Koroleva úndistandyq ıAhnavı Tamenedıdi jeńdi – 6:1, 2:6, 6:3. Asqar Ámir jekeleı synda chempıondyq ataq úshin básekede taǵy bir úndistandyq Pýnıt Monoharǵa ese jiberdi – 6:7, 1:6. Degenmen Asqar juptyq synda sol Pýnıtpen birge fınalda Sýhal Farýhı (Iordanııa) – Ahmad Sarýdjıdi (Saýd Arabııasy) oısyrata utty – 6:1, 6:1.

Eske sala keteıik, budan buryn Anna Danılınanyń Monterreıde negizgi týrnırge joldama alǵanyn jazǵan bolatynbyz.

ıÝlııa Pýtıntseva Tsıntsınnatı týrnıriniń fınalynda óner kórsetti.