Jas tennısshi Ańsar Nıetqalıev qatarynan úsh tıtýldy jeńip aldy

ASTANA. KAZINFORM — Qazaqstandyq tennısshi, 14 jastaǵy Ańsar Nıetqalıev jasóspirimder arasynda úsh ITF Juniors týrnırinde jeńimpaz atandy. 

Ańsar aldymen Túrkııanyń Býrsa qalasynda J30 sanatyndaǵy jarysta fınalda jergilikti sportshy, dodanyń 5-raketkasy Berke Okýmýsty aıqyn basymdylyqpen utty — 6:2, 6:0.

Qarqynyn báseńdetpegen Ańsar Nıetqalıev bir aptadan keıin Túrkııanyń Adana qalasynda dál osyndaı týrnırde úzdik shyqty. Ol juptyq synda otandasy Haqnazar Jetkerbaımen birge sońǵy básekede túrkııalyqtar Gıýler — Konııany kambek jasap, tize búktirdi — 6:7 (5:7), 6:3, 10:8.

Ańsar úshinshi jeńisine týǵan jerinde qol jetkizdi. Ol Almatyda jańadan ashylǵan «Alataý» tennıs ortalyǵynda J60 Almaty Open jarysynda úzdik shyqty. Ańsar Nıetqalıev fınalda ózinen áldeqaıda tájirıbeli, taǵy bir qazaqstandyq Oljas Esenalyǵa múmkindik qaldyrmady — 6:2, 6:2.

Eske sala keteıik, budan buryn WTA qorytyndy týrnırinde Elena Rybakınanyń álemniń 4-raketkasyn oısyrata jeńgenin jazǵan edik.

Aleksandr Býblık álemdik reıtıngide jeke rekordyna qol jetkizdi.