Jas tennısshi Ámir Omarhanov Týnıstegi týrnırdiń shırek fınalyna shyqty

ASTANA. KAZINFORM — Qazaqstandyq tennısshi, álemniń 798-raketkasy, 18 jastaǵy Ámir Omarhanov Monastır (Týnıs) ITF M15 týrnıriniń shırek fınalyna joldama aldy. 

Qazaqstandyq tennısshi ekinshi aınalymda dúnıejúzilik reıtıngide 1 100-orynda turǵan ońtústikkoreıalyq Kım Djýn Gýnmen kezdesti.

Tartystylaý órbigen birinshi partııada Ámir 7:5 esebimen basym tústi.

Ekinshi sette Ámir Omarhanov ońtústikkoreıalyq tennısshige birde-bir geım bermedi — 6:0.

Osylaısha, atalǵan jarysta alǵashqylardyń biri bolyp shırek fınalǵa shyqqan Ámir Omarhanovtyń kelesi qarsylasy keıin anyqtalady.

Eske sala keteıik, budan buryn Zańǵar Nurlanulynyń tennıstegi eń bıik shyńdardy baǵyndyrǵysy keletini jóninde aıtqanyn jazǵan edik.

Aleksandr Býblıktiń Devıs kýbogyndaǵy alǵashqy qarsylasy belgili boldy.