Jas tennısshi Ámir Omarhanov «Rolan Garrostyń» ekinshi aınalymyna shyqty

ASTANA. KAZINFORM – Qazaqstandyq, 17 jastaǵy Ámir Omarhanov juptyq synda jasóspirimder arasynda Rolan Garros týrnıriniń ekinshi aınalymyna shyqty.

Á.Omarhanov reseılik Tımofeı Derepaskomen birge bastapqy kezdesýin frantsııalyqtar Antýan Fato – Danıel Jademen ótkizdi.

Bir saǵattan astam ýaqytqa sozylǵan matchta qazaqstandyq-reseılik dýet 7:6 (7:5), 6:2 esebimen jeńiske jetti.

Á.Omarhanov – T.Derepasko shırek fınalǵa ótý úshin jarystyń 5-raketkalary, frantsııalyq Charlı Kamıý – aýstralııalyq Haıden Djonspen talasady.

Jekeleı synda Ámir Omarhanov alǵashqy aınalymda ıspanııalyq Rafael Hodarǵa jol berdi – 2:6, 2:6.

Búgin Rolan Garros kortynda Sonıa Jıenbaeva – Asyljan Arystanbekov dodanyń 5-raketkalary, aýstralııalyq Emerson Djons – Vıttorııa Paganettımen kezdesedi.

Eresekter arasynda Qazaqstannan jalǵyz qalǵan Elena Rybakına men ıtalııalyq ıAsmıne Paolınıdiń shırek fınaldyq matchy 5 maýsymǵa belgilengen.

Eske sala keteıik, budan buryn Rolan Garros týrnırinde Rybakınanyń Tokıoda ketken eseni qaıtaryp, shırek fınalǵa shyqqanyn jazǵan bolatynbyz.