Jas tennısshi Ámir Omarhanov álemdik reıtıngide rekordtyq kórsetkishke qol jetkizdi
ASTANA. KAZINFORM – 16 jastaǵy Ámir Omarhanov jasóspirimder arasynda ITF Juniors reıtıngisinde 16-orynǵa kóterildi.
Bul – qazaqstandyq jasóspirimder arasynda eń úzdik kórsetkish.
Budan buryn Qazaqstan tennısi túlekterinen eshkim álemdik reıtıngide mundaı bıikke kóterilgen emes.
Osyǵan deıin reıtıngide 27-satyda turǵan Qaraǵandy tennıs mektebiniń túlegi Ámir Omarhanov jasóspirimder arasynda Aýstralııa ashyq chempıonatynyń shırek fınalyna deıin jetken edi.
Sol sekildi ATR reıtıngisinde almatylyq Denıs Evseev 184-ten 176-ǵa joǵarylap, óziniń jeke kórsetkishin jańartty. Ol 3-4 aqpanda Rosarıo qalasynda Devıs kýboginiń irikteý kezeńinde Argentınamen ótetin matchta qazaqstandyq quramany bastap shyǵady.
Eske sala keteıik, budan buryn Aýstralııa chempıonatynda Elena Rybakınanyń matchy úzdikter qataryna engizilgenin jazǵan edik.
