Jas teatrshylar oblystyq teatr óneri baıqaýynda ónerlerin kórsetti
KÓKShETAÝ. QazAqparat - Aqmola oblysynda «Rýhanı jańǵyrý» memlekettik baǵdarlamasyn júzege asyrý aıasynda oblystyń jalpy orta bilim beretin mektepterindegi jáne qosymsha bilim berý uıymdaryndaǵy teatr úıirmelerine qatysýshy oqýshylardyń arasynda «Teatrdyń ǵajaıyp álemi» oblystyq syrttaı teatr óneriniń baıqaýy ótti, dep habarlaıdy QazAqparat tilshisi.
Baıqaý Aqmola oblysy bilim basqarmasynyń «Aqmola daryny» daryndy balalar men talantty jastardy anyqtaý jáne qoldaý jónindegi ortalyǵynyń uıymdastyrýymen ótkizildi.
Baıqaý óskeleń urpaqty rýhanı-adamgershilik, estetıkalyq tárbıeleý, tulǵanyń úılesimdi damýy, óz oıyn bildirý, álemdi estetıkalyq jáne beıneli taný faktory retinde balalar men jastardyń teatr shyǵarmashylyǵyn qoldaý jáne tulǵany úılesimdi damytý, ózin-ózi tanýǵa, álemdi estetıkalyq jáne beıneli tanýyna erekshe qabiletterin qalyptastyrý jáne damytýǵa baǵyttalǵan.
Іs-sharaǵa Aqkól, Atbasar, Býrabaı, Bulandy, Esil, Ereımentaý, Tselınograd, Zerendi, Jaqsy, Sandyqtaý, Shortandy aýdandarynan jáne Nur-Sultan, Kókshetaý qalalarynan 17 teatr ujymy jáne 8-17 jas aralyǵyndaǵy 134 oqýshy qatysty.
«Dramalyq spektakl», «Ádebı-mýzykalyq kompozıtsııa», «Qýyrshaq teatry» atalymdardan qatysýshy ujymdar rejısserlik oı, akterlik oıyn, mýzykalyq sheshimi, ásem beınesi, kórkemdik bezendirilýi krıterııleri boıynsha baǵalandy.
Ádil qazylar alqasynyń sheshimimen baıqaýdyń Gran prı júldesine Atbasar qalasyndaǵy balalar men jasóspirimderdiń shyǵarmashylyq ortalyǵynyń «Molodost strany» teatr ujymy ıe boldy.
Bas júldegi «Molodost strany» teatr ujymy, Atbasar aýdany, Atbasar qalasynyń balalar men jasóspirimderdiń shyǵarmashylyq ortalyǵy, al, 1-oryndy «Dramalyq spektakl» nomınatsııasynda – «Vodevıl» teatr ujymy, Býrabaı aýdany, Şýchınsk qalasynyń «Arman» balalar men jasóspirimderdiń shyǵarmashylyq ortalyǵy jáne «Ádebı-mýzykalyq kompozıtsııa» nomınatsııasynda – «Fantazery» teatr ujymy, Bulandy aýdany, Makınka qalasynyń balalar men jasóspirimderdiń shyǵarmashylyq ortalyǵy ıelendi.
2-oryn «Dramalyq spektakl» nomınatsııasynda – «Áreket» akterlik sheberlik stýdııasy, Aqkól aýdany, Aqkól qalasynyń «Balalar shyǵarmashylyq úıi», «Dramalyq spektakl» nomınatsııasynda – «Art-haýs» teatr ujymy, Ereımentaý aýdany, Ereımentaý qalasynyń balalar men jasóspirimderdiń shyǵarmashylyq ortalyǵy;
«Ádebı-mýzykalyq kompozıtsııa» nomınatsııasynda – «Asem-aı» teatr ujymy, Jaqsy aýdany, Jaqsy aýylynyń №2 orta mektebi.
«Qýyrshaq teatry» nomınatsııasynda – «Smesharıkı» teatr ujymy, Esil aýdany, Esil qalasynyń balalar men jasóspirimderdiń shyǵarmashylyq ortalyǵy;
«Qýyrshaq teatry» nomınatsııasynda – «Jas Shabyt» teatr ujymy, Tselınograd aýdany, Talapker aýylynyń balalar men jasóspirimderdiń shyǵarmashylyq ortalyǵy.
3-oryndy «Dramalyq spektakl» nomınatsııasynda – «Daryn órenderi» teatr ujymy, Kókshetaý qalasy, Abaı atyndaǵy №3 daryndy balalarǵa arnalǵan oblystyq mamandandyrylǵan mektep ınternaty, «Úzdik oryndaýshylyq sheberlik» nomınatsııasynda – Kajybaı Bekarys, Kókshetaý qalasy, Abaı atyndaǵy №3 daryndy balalarǵa arnalǵan oblystyq mamandandyrylǵan mektep ınternaty aldy.
Jeńimpazdarǵa Aqmola oblysy bilim basqarmasynyń dıplomdary, sondaı-aq qatysýshylarǵa sertıfıkattar tabystalady.
