Jas tatamı sheberleri Polshadan 7 medal jeńip aldy
ASTANA. QazAqparat - Polshanyń Olesnıtsa qalasynda dzıýdodan jastar arasynda halyqaralyq týrnırde qazaqstandyq dzıýdoshylar jeti medal jeńip aldy, dep habarlaıdy QazAqparat tilshisi.
QR Dzıýdo federatsııasynyń baspasóz qyzmeti málim etkendeı, týrnırge 21 elden 347 tatamı sheberi qatysty. Qazaqstan jastar quramasynan 15 dzıýdoshy qatysyp, onyń 7-eýi júldemen oraldy.
Atap aıtar bolsaq, Erlan Ýnalov (55 kg), Bılal Bolat (60 kg), Sálimbaev Nurzat (66 kg) jáne Shyntas Serikbolsyn (90 kg) jeńis tuǵyrynyń eń bıik satysynan kórinip chempıon atansa, Ábilhaıyr Ulyqbek (55 kg) kúmis júldege qol jetkizdi.
Al, Almazuly Súıinish pen (55 kg) Aıbar Muqyshev (73 kg) qola medalǵa qol jetkizdi.
Osylaısha Hatıp Arsen men Myqtybekov Nurbek baptaıtyn jastar qurama komandasy medal sany boıynsha jalpy komandalyq esepte birinshi orynǵa ıe boldy.
