Jas taekvondoshylarymyz álem chempıonatynda eki qola medalǵa ıe boldy
ASTANA. QazAqparat - Kadetter arasynda taekvondodan (WTF) Qazaqstan ulttyq quramasynyń jas sportshylary Ońtústik Koreıanyń Mýdjý qalasynda ótip jatqan Álem chempıontynda eki qola júldege qol jetkizdi.
65 keli salmaq dárejesine deıin Dýlat Sıhymov birinshilikte úzdik shyqqan Iran sańlaǵy Mohammadı Khanıǵa jartylaı fınalda ǵana ese jiberdi. Dál osyndaı kórsetkishpen qyzymyz Alıma Qaıdarova 29 keli salmaq dárejesinde jartylaı fınalda, Reseı ókili Ámına Cherchesovaǵa qarsylyq kórsete almady. Osylaısha, qandastarymyz álem chempıonatynda qorjynymyzǵa eki qola júlde saldy. Baıraqty doda 23-shi tamyzda bastalyp, 26-da aıaqtalady. Taekvondodan (WTF)kadetter arasynda álem chempıonatynda álemniń 60-qa jýyq memleketinen 12-14 jas aralyǵyndaǵy 465 sańylaq úzdikterdi anyqtap jatyr.
