Jas sýretshi jeke kórmesin Abaıdyń 170 jyldyǵyna arnady (FOTO)
ASTANA. QazAqparat - Búgin QR Tuńǵysh Prezıdenti Mýzeıinde Qazaqstan sýretshiler Odaǵynyń múshesi, halyqaralyq «Shabyt» shyǵarmashyl jastar festıvaliniń dıplomanty, Anar Áýbákirdiń «Keshegi men búginginiń sabaqtastyǵy...» atty jeke kórmesi ashylady. Mýzeıdiń «Úkili úmit» atty jobasy aıasynda uıymdastyrylǵan kórmesin jas talanat Abaı Qunanbaıulynyń 170 jyldyq mereıtoıyna arnap otyr.
«Meniń halqymnyń tarıhy men mádenıeti - meni shabyttandyratyn uly kúsh. Bıyl uly aqyn Abaı Qunanbaıulynyń týǵanyna 170 jyl toldy, sondyqtan da meniń kórmem tolyqtaı osy taqyrypqa arnalǵan»,-deıdi óz sózinde A.Áýbákir.
Al mýzeı dırektorynyń orynbasary Kúlásh Aqtaevanyń aıtýynsha, Anardyń týyndylary jan-jaqty sıpatqa ıe.
«Anar Áýbákirdiń kórmesi qaı jaǵynan alyp qarasaq ta qyzyqty. Onyń jumystary adamdy jalyqtyrmaıdy. Elimizde ótken kórmelerdiń birinda Anardyń jumysyn baıqap, qatty qyzyqtyq. Mine, ol bizdiń úmitti aqtap, búgin jeke kórmesin ótkizip otyr», - dedi K.Aqtaeva.
Kórme osy jyldyń 5 qazanyna deıin jalǵasady.
Aıta keteıik, Anar Áýbákir 1984 jyly 16 qazanda Pavlodar qalasynda dúnıege kelgen. Ol Pavlodar qalasyndaǵy kórkemsýret kolledjin «dızaın boıynsha súretshi - sheber» mamandyǵyn támamdap T. Júrgenov atyndaǵy Qazaq ulttyq óner akademııasynda «keskindeme bakalavry» dárejesin alǵan. Sondaı-aq «Keskindeme magıstri» akademııalyq dárejege ıe.
