Jas sportshylardyń negizgi quramǵa jaqyndap kele jatqany qýantady – Petr Gamıdov

ASTANA.KAZINFORM – Short-trekten Qazaqstan ulttyq quramasynyń bas bapkeri Petr Gamıdov elordada ótken el chempıonatyn joǵary baǵalady.

Bas bapkerdiń aıtýynsha, ishki birinshilikte básekelestik kún saıyn artyp keledi.

- Chempıonat joǵary deńgeıde ótti. Sportshylar tartysty básekede laıyqty óner kórsetip, jaqsy nátıjeler kórsetti. Jalpy, jartylaı fınaldan bastap-aq sportshylar arasynda qyzý báseke sezildi. Bul, árıne, qýantady ári jas sportshylardyń negizgi quramǵa jaqyndap kele jatqanyn ańǵartady, - dedi Petr Gamıdov.

Onyń aıtýynsha, ulttyq quramanyń Olımpıadaǵa daıyndyǵy jaqsy deńgeıde ótip jatyr.

- Olımpıada oıyndaryna daıyndyq sáýir aıynyń ortasynan bastaldy. Alǵashqy oqý-jattyǵý jıyny Túrkııada velodaıarlyq retinde ótti, ekinshi jıyn bıik taýda, ol da Túrkııada uıymdastyryldy. Al maýsym aıynan bastap qurama daıyndyqty «Alaý» muz saraıyndaǵy óz bazasynda jalǵastyryp keledi, - dedi bas jattyqtyrýshy.

Eske sala ketsek, Astanada 11-15 qyrkúıek aralyǵynda short-trekten Qazaqstan chempıonaty ótti.

Sonymen qatar, short-trekten Qazaqstan ulttyq quramasynyń jańartylǵan quramy belgili boldy.