Jas shahmatshy J. Ábdimálik QBTÝ bilim grantyn jeńip aldy

Jansaıa Ábdimálik 20 jasqa deıingi qyzdar arasynda ASEAN shahmaty boıynsha halyqaralyq týrnırlerdiń jeńimpazy bolyp tabylady. Álemniń úsh dúrkin chempıony J.Ábdimálik «halyqaralyq sheber» ataǵyn jeńip alǵan bolatyn. Osy tuǵyrdan taımasa, Jansaıany eń jas halyqaralyq sheber retinde Gınnestiń rekordtar kitabyna engizýi múmkin. Búginde álem sarapshylary 11 jastaǵy qazaqstandyq jas shahmatshynyń sheberligine tańǵalýda. Jansaıany tipti, ataqty shahmatshy ıÝdıt Polgardan asyp túsýi múmkin dep boljaýda. Qazirgi ýaqytta onyń aldynda "grossmeıster" ataný men el abyroıyn qorǵaý mindeti tur.

«QBTÝ túlekteri klýbynyń músheleri jas shahmatshyny qoldaýdy jón kórip, atalmysh grantty usynyp otyr. Ýnıversıtettiń alǵashqy túlegi retinde men oqý orny árqashan talantty balalardy qoldap, olardyń damýyna ınvestıtsııa bólip otyrady dep nyq senimmen aıta alamyn. Bul dástúrdi saqtaı jáne Jansaıany qoldaı otyra, biz el damýyna óz úlesimizdi qosqymyz keledi", - dedi QBTÝ túlekteri klýbynyń prezıdenti Ánýar Nurpeıisov.

QBTÝ-dyń rektory, professor Eskendir Beısembetovtyń aıtýynsha, oqý ornynda shahmatqa úlken kóńil bólinedi. «Óıtkeni, bizdiń ýnıversıtetke kelýshiler kóbine fızıka-matematıka mektebiniń túlekteri, naqty ǵylym salasyndaǵy olımpıada jeńimpazdary bolyp tabylady. Olar úshin sheber mamandar da qarastyrylǵan. Máselen, munda halyqaralyq grossmeıster Evgenıı Vladımırov dáris beredi. Al, bizdiń doktorantýrada jastar arasyndaǵy álem chempıony Dármen Sádýaqasov oqıdy», - dep atap ótti ol shara barysynda.