Jas shahmatshy Bıbisara Asaýbaeva Aqtaý ýnıversıtetinen grant aldy
ALMATY. QazAqparat - Jas shahmatshy Bıbisara Asaýbaeva Aqtaý ýnıversıtetinde tegin oqıtyn boldy. Bul týraly sportshynyń anasy Lıana Tańjaryqova Feısbýkte jarııalady, dep habarlaıdy QazAqparat tilshisi.
«...Esenov atyndaǵy Ýnıversıtette boldyq. (Sh.Esenov atyndaǵy Kaspıı memlekettik tehnologııa jáne ınjınırıng ýnıversıteti). Oqý ornynyń rektory Berik Ahmetov Bıbisaraǵa bilim alýyna grant tabys etti. Qyzym rektormen bir partııa shahmat oınady», - dedi ol.
Rektor granty Bıbisaraǵa Ýnıversıtettiń kópsalaly kolledjinde «Aqparattyq júıeler» mamandyǵynyń «tehnık baǵdarlamashy» biliktiligi boıynsha tegin bilim alýǵa múmkindik beredi.
Aıta ketý kerek, jas shahmatshy Bıbisara Asaýbaeva Qazaqstanǵa Reseıden jaqynda ǵana oralǵan bolatyn.
Keıin Qazaqstan Shahmat federatsııasy Bıbisaranyń Astanada ótetin komandalyq chempıonatta Qazaqstannyń atynan shyǵatynyn málimdedi.
Bıbisara Aqtaý qalasyna kóship kelgen bolatyn. Ol endi Mańǵystaý oblysynyń namysyn qorǵaıtyn bolady.
Ol óziniń Aqtaýǵa kóship kelgisi keletinin Mańǵystaý ákimi Eraly Toǵjanmen kezdesýde aıtqan bolatyn.
«Biz Aqtaýǵa keldik. Tań shapaǵymen talasyp Mańǵystaý ákimdiginiń qalaı jumys jasaıtynyn kórip keldik. Eraly Luqpanulymen jumys kabınetinde áńgime dúken qurdyq. Jıynǵa óńirdiń ardagerleri, jas shahmatshylar qatysty», - dedi Lıana Feısbýkte.
Kezdesýden soń ákim daryndy balalardy tústenýge shaqyrǵan.
«Balalar ákimmen erkin sóılesti. Oılaryn aıtty. Bıbisara Kaspıı elderi arasynda Kaspıı kýbogyn uıymdastyrý týraly usynys aıtty. Oblys basshysy onyń usynysty Aqtaýda byltyr ótken 5 Kaspıı mańy eliniń sammıtinde aıtylǵan usynys retinde qabyl alyp, kelisim berip bekitti», - dedi ol.
Talantty qazaqstandyq sportshy shahmatshy Bıbisara Asaýbaeva 5 dúrkin álemdik chempıony tıtýlyn alǵan.
