Jas saılaýshylar lıgasy: Qazaqstandaǵy Parlament Májilisiniń saılaýy sátti ótti deýge bolady
ASTANA. QazAqparat - Jas saılaýshylar lıgasy saılaý ýchaskelerinde ótkizgen baqylaýdyń qorytyndysy boıynsha, saılaýdy sátti ótti dep baǵalaıdy.
Bul týraly Jas saılaýshylar lıgasynyń resmı málimdemesinde habarlandy.
«Baqylaý barysynda oń úderis baıqaldy: ýchaskelik komıssııalardyń jergilikti baıqaýshylardy qabyldaýy jaqsardy. 2012 jylǵy saılaýmen salystyrǵanda, baıqaýshylardyń quqyqtary edáýir az buzyldy. Sonymen qatar ýchaskelerdiń tehnıkalyq jabdyqtalýy da jaqsarǵan: kóbinde beınebaqylaý bar, saılaý protsedýralaryna qatysty tolyq maǵlumattar usynylyp otyr», - delingen Jas saılaýshylar lıgasy basshysynyń málimdemesinde.
