Jas sarbazdyń jaýmen kúresi: Bas sanıtar oqýshylarǵa vaktsınanyń mańyzyn qalaı túsindirdi
Óz sózinde dáriger ımmýnıtet pen vaktsına týraly málimetti jeńil mysaldarmen jetkizýge tyrysty.
«Áskerge jańa shaqyrylǵan sarbazdy elestetip kórińdershi. Oǵan qarsy tájirıbeli jaýyngerdi qoısa ne bolady? Aıqasqa shyǵý úshin shynyǵý kerek. Immýnıtet te dál sondaı. Vaktsına aǵzany shynyqtyrady. Vaktsına aǵzaǵa túskende, aýrýǵa qarsy deneler paıda bolady. Vaktsınalar - aýrýdy qozdyrǵyshtardyń álsiregen jasýshalary, eń az mólsheri. Ol adamǵa áser etpeıdi, odan adam aýyrmaıdy. Aǵzaǵa vaktsına engende ımmýnıtet onymen kúresedi de, aýrýǵa qarsy denelerin qalyptastyrady. ıAǵnı, jaýdy esinde saqtaıdy. Odan úlken ınfektsııa kelgende jattyǵýdan ótken, tájirıbeli «sarbazdar» aýrýdyń betin qaıtarady. ıAǵnı, adam aýyrmaıdy. Al eger vaktsına egilmese - jattyǵýdan ótpegen jas sarbazdar jeńiledi, adam aýrýdan murttaı ushady», - dep túsindirdi bas sanıtar dáriger №71 mektep-lıtseıde ótken kezdesýde.
J. Bekshın vaktsınadan bas tartýdyń óte kúrdeli jaǵdaılarǵa ákep soǵatynyn aıtyp, balalardy ekpege qarsy ata-ananyń jańsaq pikirin ózgertýge shaqyrdy.
«Búgingi sabaqta barlyǵyń ımmýnıtettiń ne ekenin, vaktsınanyń ne úshin qajet ekenin túsindińder dep úmittenem. Balasyna vaktsına ekpegen adamdarǵa zertteý júrgizgende, ata-analardyń 51% - vaktsınanyń mańyzyn bilmeıtinin, qunttamaǵanyn anyqtadyq, 31% - dinı kózqarastaryna baılanysty ekpeden bas tartsa, 6% - BAQ nemese ınternetten túrli jaıttardy oqyp, vaktsınaǵa qarsy bolǵan. Biz vaktsına arqyly ınfektsııanyń 21 túrinen qorǵanamyz. Muny ata-analarǵa túsindirip aıtyńyzdar», - dedi J. Bekshın.
Dárigerdiń aıtýynsha, 2018 jyly 5 725 ata-ana vaktsına egýden bas tartqan, dárigerlerdiń túsindirme jumystarynan keıin 3 106 ata-ana óz pikirin ózgertken.
