Jas sarbazdar shekarashylar ómirimen tanysty
ASTANA. 18 jeltoqsan. QazAqparat - Ulttyq qaýipsizdik komıtetiniń Shekara qyzmeti akademııasynyń dalalyq oqý ortalyǵynda Almaty garnızonynyń áskerı bólimderine kelgen jas sarbazdar úshin tanystyrý sabaǵy ótkizildi.
Táýelsizdik kúni qarsańynda áskerı ant qabyldaǵan sarbazdar naǵyz jaýyngerlik ómirmen tanysty, onyń ishinde qaraq-jaraq pen shekarany qorǵaýǵa arnalǵan tehnıkalyq quraldardyń múmkindikteri, radıolokatsııalyq quraldardyń jumys isteý barysy kórsetildi.
Shekara buzýshylardy izdeý jáne ustaý joldary, bul maqsatta jan-janýarlardyń, onyń ishinde qyzmettik ıtter men attardyń kómegin qalaı paıdalaný kerektigi de is júzinde kórinis tapty. Akademııanyń birinshi kýrs stýdentteri atqa minýdiń qyry-syryn túsindirdi.
«Boran» arnaıy bólimshesiniń jaýyngerleri shekarany buzýshylardy qalaı ustaý kerektigin is júzinde joǵary sheberlikpen dáleldedi.
Shekara qyzmetiniń sapyna kelgen jas sarbazdardyń aldynda joǵarydaǵy qarý-jaraq túrleri men áskerı qımyldardy tereń meńgerip, erteńgi kúni elimizdiń qasıetti shekarasyn kúzetý mindeti tur, dep habarlady QR UQK ShQ baspasóz qyzmetinen.
