Jas sarbazdar Áskerı ant qabyldaıdy

dep habarlaıdy QR Qorǵanys mınıstrliginiń baspasóz qyzmeti.

Qurlyq áskerleri men Áýe qorǵanysy kúshteriniń áskerı bólimderi men quramalarynda jaýyngerler el táýelsizdigin, Otanymyz ben onyń halqyn qorǵaýǵa adal qyzmet etýge saltanatty túrde ant beredi.

Saltanatty is-sharalarǵa jergilikti bılik organdarynyń basshylary, Uly Otan soǵysynyń, Qarýly Kúshterdiń ardagerleri jáne jaýyngerlerdiń ata-analary men dostary qatysady.

Bul kúnge áskerge alynǵan bozbalalar tyńǵylyqty ázirlendi. Bir aı boıy olar jas jaýyngerler kýrsynan ótti. Qazaqstan Qarýly Kúshteriniń tarıhymen, áskerı istiń negizderimen tanysty, sap daıyndyǵymen aınalysty.

Qazaqstan Respýblıkasynyń Memlekettik týy jáne áskerı bólimniń jaýyngerlik týy aldynda, áriptesteriniń ortasynda qolyna qarý ustap ant qabyldaǵan olardyń boıynda patrıotızmniń rýhy oıanyp, Otanǵa degen súıispenshilik sezimi qalyptasa túsetini anyq.

Áskerı borysh pen Antqa adaldyq - Qarýly Kúshterdiń tamasha dástúri. Ony saqtaý jaýyngerdiń adamgershilik qasıetteriniń eń bıik shyńy bolyp qalady. Jas jaýynger saltanatty túrde ant qabyldaǵan sátten bastap tolyqqandy Otan qorǵaýshysy atalady.