«Zhas Project» jobasynyń grantyna ótinim qabyldaý júrip jatyr
«Zhas Project» jobasynyń grantyna ótinim qabyldaýdyń bastalǵanyn habarlaımyz. Qujat qabyldaý 10 tamyzǵa deıin jalǵasady. Joba baıqaýyna elimizdiń 6 óńiriniń jastary qatysa alady. Onyń qatarynda Almaty, Jetisý, Qaraǵandy, Ulytaý, Túrkistan jáne Mańǵystaý oblysy bar. «Zhas Project» jastardy eldiń ekonomıkasy men áleýmettik ómirine tartý jáne olar usynǵan jobalardy qoldaýǵa baǵyttalǵan», - dedi QR Aqparat jáne qoǵamdyq damý mınıstrligi jastar jáne otbasy isteri jónindegi komıtettiń tóraǵasy Qaırat Baımoldınov Ortalyq kommýnıkatsııalar qyzmeti alańynda ótken baspasóz máslıhatynda.
Komıtet basshysynyń aıtýynsha, baıqaý nátıjesinde jastardyń úzdik degen 250 jobasyn qoldap, grant berý kózdelip otyr. Jobasyn júzege asyrý úshin avtorǵa 1 mln teńge qarjylaı grant beriledi.
«Búginde «Zhas Project» jobasynyń grantyna úmitkerlerden 24 ótinim kelip tústi. Onyń ishinde Almaty oblysy boıynsha 9 ótinim, Túrkistan oblysy 7 ótinim, Mańǵystaý oblysy 6 jáne 2 ótinim Qaraǵandy oblysynan tirkeldi. Baıqaýdyń bıylǵy ereksheligi grantty jeńimpazdyń qolyna qarjylaı bermeımiz. Sebebi qarjyny basqa maqsatqa jumsap jiberýi múmkin degen qaýip bar. Biz úshin granttyń óz maqsatyna jumsalǵany mańyzdy», - deıdi «Azamattyq bastamalardy qoldaý ortalyǵy» ZTB basqarma tóraǵasynyń mindetin atqarýshy Ǵalym Qurman.
