Zhas Project jobasyn ońaı ári jeńil etkimiz keledi – Vıtse-mınıstr
«Zhas Project jobasyn jalǵastyrý máselesine kelsek, biz bul tájirıbeni oń baǵalaımyz. Shynynda da, biz jobany jalǵastyrýdy josparlap otyrmyz, biraq qazir onyń qalaı júrgiziletinin ázirleýdemiz. Biz basqarý modeli men dálelge negizdelgen saıasatty qalyptastyrýǵa kóshkimiz keledi. Sondyqtan, zertteý júrgizgen kezde, túrli zertteý toptarymen sóıleskende, jastarǵa shyn máninde ne qajet ekenin túsinemiz jáne sonyń negizinde saıasat qalyptastyramyz. Adam qandaı da bir áleýmettik jobadan túlep ushqan soń jalǵyz ózi qalady. Bizdiń mindetimiz – olarǵa qoldaý kórsetýge tyrysý. Adam jaı ǵana óz jobalaryn iske asyrdy eken dep toqtap qalmaýymyz kerek», - dedi A. Danılov.
Vıtse-mınıstr eń basty sıpattama jobalardyń qundylyqtaryn bekitýde jatqanyn atap ótti.
«Bul rette ne aıtqymyz keledi? Biz Zhas Project tásilderin memlekettik qarjylandyrý kezinde qalaı saqtaý kerektigi jóninde oılanyp otyrmyz. Bul da óte mańyzdy. Biz tolyq jasalmaǵan ónimmen naryqqa shyǵýdy durys emes dep sanaımyz. Jobany salystyrmaly túrde ońaı, jeńil etkimiz keledi, biraq sonymen birge ony memlekettik qarjylandyrý turǵysynan qazirgi jaǵdaımen baılanystyrǵymyz keledi.
Biz qoldaý baǵdarlamalary arqyly jobalardy jalǵastyra alý rólin kúsheıtý úshin jergilikti ÚEU-dardy qoldaý modeline súıenemiz. Birinshi aıtqym keletin nárse – bizge sizdiń zertteýlerińiz, pikirlerińiz qajet. Eger Zhas Project jobasyn bıyl iske qossaq, pılottyq joba etip bastaýdy josparlap otyrmyz. Oǵan qosa tıimdilikti baǵalaýdyń qosymsha elementterin engizemiz», - dedi Aleksandr Danılov.
