«Zhas project»: Atyraý oblysynda 257 bıznes-jospar júzege asyrylady
ATYRAÝ. QazAqparat - Atyraý oblysynda «Zhas project» jobasyna 811 adam qatysty. Olardyń 40-tan astamy – múmkindigi shekteýli jandar, dep habarlaıdy QazAqparat tilshisi.
Atalǵan joba turǵyndarǵa áleýmettik qoldaý retinde uıymdastyryldy. Atyraý oblystyq «Zhas projects» jobasynyń úılestirýshisi Aıjan Aralbekovanyń aıtýynsha, bıznes-josparlardyń 212-si – aýyldarda, 45-i qalalarda iske asyrylady.
«Grant utyp alǵan qatysýshylar óz isterin aspazdyq, shashtaraz, tigin sheberi sııaqty basqa da salalarda júzege asyrýda. Qatysýshylarǵa jobadan aqyly túrde paıda túspeıtin bolǵandyqtan, olarǵa alty aı kóleminde shákirtaqy beriledi. Sondaı-aq, áleýmettik az qamtylǵan toptarǵa kómek retinde shyǵarylatyn ónimder men kórsetiletin qyzmetter aqysyz usynylady. Stýdentter men joǵary bilimdi azamattarǵa - 60 myń teńge, qalǵandaryna – 40 myń teńge kóleminde shákirtaqy beriledi», - deıdi Aıjan Aralbekova.
