Jas patrıottar qarttar men múgedekterge arnap kontsert qoıdy - Býrabaı
KÓKShETAÝ. QazAqparat - 2-shi respýblıkalyq jas patrıottar forýmyna qatysýshylar «Meıirimdilik jolymen» aktsııasy sheńberinde Şýchınsk qalasyndaǵy qarttar men múgedekterge arnalǵan ınternat-úıinde kontsert qoıdy, dep habarlaıdy QazAqparat tilshisi.
Eske sala keteıik, aqpannyń 21-23 aralyǵynda Aqmola oblysynyń Býrabaı kýrortyndaǵy «Baldáýren» respýblıkalyq oqytý saýyqtyrý ortalyǵynda «Patrıotızm - Rýhanı jańǵyrýdyń berik irgetasy» 2-shi respýblıkalyq jas patrıottar forýmy ótýde. Oǵan qazaqstandyq jas patrıottar akademııasynyń músheleri, delegatsııa jetekshileri, «Rýhanı jańǵyrý» baǵdarlamasynyń menedjerleri, erlikpen tanylǵan oqýshylar, patrıottyq tárbıe boıynsha «Men - óz elimniń azamatymyn!» atty respýblıkalyq baıqaýdyń jeńimpazdary qatysýda.
Forým barysynda patrıottar akademııasynyń jańa músheleri qatarǵa qabyldanady. Sonymen qatar, «Men - óz elimniń azamatymyn!» baıqaýynyń qorytyndysy shyǵarylyp, jeńimpazdary marapattalady.
