Jas otbasylardy turǵyn úımen qamtamasyz etýdiń jańa júıesi ázirlendi
Bul týraly búgin Úkimet otyrysynda «Qoljetimdi turǵyn úı-2020» jańa baǵdarlamasyn tanystyrý kezinde QR Qurylys jáne turǵyn úı kommýnaldyq sharýashylyq isteri agenttiginiń basshysy Serik Nokın málim etti.
Onyń sózine qaraǵanda, jas otbasylaryn turǵyn úımen qamtamasyz etý júıesi eki kezeńnen turady. «Birinshisinde, 8,5 jyl ishinde jas otbasy qarjyny «Turǵynqurylysjınaqbankinde» jınastyrady jáne bir mezgilde osy ýaqyt ishinde sol jalǵa alynǵan páterde turý múmkindigine ıe bolady. Sodan keıingi kezeńde jınaq esebinen atalǵan páterdi birden satyp alýǵa bolady nemese qarjy jetkiliksiz bolǵan jaǵdaıda 15 jylǵa deıingi merzimge jyldyq 4 paıyzdyq zaımdy paıdalana alady. Onda zaımnyń jalpy merzimi 23,5 jylǵa jetedi. Osy turǵyda qaryzdy ýaqytynan buryn jabý múmkindigi de qarastyrylǵan»,-dedi S. Nokın.
Máselen, jas otbasylar 45 sharshy metrlik 1 bólmeli páter úshin aı saıyn shamamen 20 myń teńgeden astam qarjy, 54 sharshy metrlik 2 bólmeli páterge 24 myń teńge, sondaı-aq aýdany 65 sharshy metrlik 3 bólmeli páterge 29 myń teńge tóleýi tıis.
