Jas otbasy ata-anadan bólek turýy kerek pe: qazaqstandyqtar ne deıdi
ASTANA. KAZINFORM – Qazaqstandyqtardyń 79%-y jas otbasy ata-anasynan bólek turýy kerek dep esepteıdi. Sonymen qatar respondentterdiń 91,5%-y ata-ananyń kómegin paıdaly sanaıdy, dep habarlaıdy Qazaqstandyq qoǵamdyq damý ınstıtýty.
Bul derekter ınstıtýt júrgizgen «Qazaqstan otbasylary – 2026» zertteýinde keltirilgen. Saýalnamaǵa 3 myń respondent qatysqan.
Zertteý nátıjesi qazaqstandyqtardyń basym bóligi jas otbasynyń jeke ómirin qalyptastyryp, derbes ómir súrgenin qoldaıtynyn kórsetedi.
– Jas otbasy úshin jeke ómirin qalyptastyrý men ata-ananyń qoldaýyn saqtaý bir-birine qaıshy emes. Bul derbestik pen urpaqtar arasyndaǵy baılanysty qatar saqtaýǵa bolatynyn kórsetedi, – delingen zertteý qorytyndysynda.
Osylaısha, respondentterdiń 79%-y jas jubaılardyń ata-anasynan bólek turýyn qoldasa, 91,5%-y úlkenderdiń kómegin paıdaly dep baǵalaǵan.
Aıta keteıik, AÁK alatyn otbasylarǵa jumys tabýǵa da múmkindik beriledi.
