«Jas Otan» jastary aqtóbelikterge úndeýhat taratty
AQTÓBE. QazAqparat - «Jas Otan» jastary aqtóbelikterge Elbasy Nursultan Nazarbaevtyń Joldaýyndaǵy basym baǵyttar men tapsyrmalardy túsindirdi. Respýblıkalyq aktsııa aıasynda jastar halyqqa Joldaýdyń mańyzdylyǵyn aıtyp, úndeýhat taratty, dep habarlaıdy QazAqparat tilshisi.
Tsıfrlyq qyzmet sapasyn arttyryp, óndiriske ınnovatsııalyq tehnologııany engizý, shaǵyn jáne orta bızneske mol qarjy berip, adamı kapıtaldy damytý. Bul Elbasyn Nursultan Nazarbaevtyń bıylǵy Joldaýynda aıtylǵan basym baǵyttar. «Nur Otan» partııasy janyndaǵy «Jas Otan» Jastar qanatynyń belsendileri Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda atalǵan basymdyqtar men mańyzdy mindetterdi aıtyp berdi. Jastar úshin bilim salasyndaǵy jańashyldyqtyń mańyzy erekshe.
«Elbasynyń Joldaýy - Qazaqstannyń damýyn anyqtap bergen baǵdar. Basym baǵyttardy iske asyrý úshin aldymen uǵynyp, túsinip alý qajet. Sonda ǵana biz aldaǵy kúnimizdi, jumysymyzdy josparlaı alamyz. Ásirese, jastar úshin Elbasynyń basty qujaty jaqsy ózgeristerge toly. Máselen, ınttellektýaldy ult baǵytynda bilim salasyna erekshe kóńil bólingen. Qazaqstandyqtar álemde básekege qabiletti maman bolýy qajet. Tapsyrmaǵa sáıkes joǵary synyp oqýshylary mańyzdy pánderdi aǵylshyn tilinde oqıdy. Tehnıkalyq mamandyq tegin beriledi. Endi bar múmkindikti paıdalanyp, bilim alyp, elge eńbek etý júgi artylyp tur. Biz osy jaýapkershilikti anyq sezinemiz»,- «Jas Otan» Jastar qanatynyń Aqtóbe oblystyq fılıal tóraǵasy Asyljan Búlkitalın.
Aıta keteıik, buǵan deıin óńirde erkin pikir alańynda kezdesýler ótip, túrli tanymdyq basqosýlar boldy. Jastar zamandastaryna jaqsy bilim alyp, bilikti maman atanýdyń joldaryn aıtty.
«N.Á.Nazarbaevtyń Joldaýynda ár sala jan-jaqty qamtylǵan. Jastarǵa bilim men eńbek baǵyty arnalǵan. Biz úshin bilim salasyna ınnovatsııalyq tehnologııalar engizilip, álemdik deıgeıdegi ádistemeler engizilip jatyr. Kez kelgen yntaly jas múmkindikti paıdalanyp, eli úshin jaqsy qyzmet etetinine senimdimiz»,- dedi aqtóbelik jas Araılym Altaıqyzy.
