«Jas Otan» jastar qanatynyń 2020 jylǵa deıingi baǵdarlamasynyń maqsaty - memleket ıgiligi úshin jastardy naqty isterge jumyldyrý - S.Seıfýllın atyndaǵy QazATÝ stýdentteriniń Qazaqstan jastaryna arnaǵan Úndeýinen
ASTANA. 19 qarasha. QazAqparat - S.Seıfýllın atyndaǵy Qazaq agrotehnıkalyq ýnıversıtetiniń stýdentteri «Qazaqstan jastaryna arnap Úndeý joldady.
«Biz, S.Seıfýllın atyndaǵy Qazaq agrotehnıkalyq ýnıversıtetiniń stýdentteri, Elbasynyń qatysýymen ótken «Jas Otan» jastar qanatynyń ІІ sezin zor qoshemetpen qarsy aldyq. Sezd jastardyń barlyǵyn bir shańyraqqa toǵystyryp, jas býynnyń qoǵamdaǵy ornyn aıqyndap, kókeıdegi saýaldaryna jaýap alǵan salıqaly suhbat alańyna aınaldy. Memleket basshysy bul jıynda «Jas Otan» jastar qanatynyń 2020 jylǵa deıingi baǵdarlamasyn maquldap, qazirgi tańdaǵy memlekettik jastar saıasatynyń sara jolyn kórsetip berdi.
«Jastar - Otanǵa!» atty 11 baǵyttan turatyn bul strategııanyń basty maqsaty - memleket ıgiligi úshin jastardy naqty isterge jumyldyrý ekenin biz jaqsy túsindik. Onyń ishinde sapaly bilim, mádenı damý, birlik, jastar kásipkerligin jáne ǵylymdy damytý, eriktiler qozǵalysy sııaqty basymdyqtar - kemel eldiń bolashaǵy men qaınar kózi sanalady. Olaı bolsa, Biz búginnen bastap jańa ómirge qadam jasaýymyz kerek.
Elbasynyń qoldaýymen «Dıplommen-aýylǵa!», «Jasyl el», «Stýdenttik qurylys jasaqtary» baǵdarlamalary óz ómirsheńdigin kórsetti. Búgingi kúni ýnıversıtettiń myńdaǵan jastary memleket basshysy bekitken bul baǵdarlamalardyń aıasynda óz kásibin dóńgeletip keledi.
Qurmetti jastar! Elbasynyń sezde aıtqan erteńgi jarqyn bolashaǵymyz týraly batyl oılaryn biz júzege asyrýǵa tıispiz. Egemendi Qazaqstannyń ındýstrıaldy-ınnovatsııalyq damýyna táýelsiz eldiń ulandary bar kúsh-jigerin salýy kerek dep sanaımyz. «Arman. Eńbek. Senim» - bizdiń basty uranymyz!
Biz, S.Seıfýllın atyndaǵy Qazaq agrotehnıkalyq ýnıversıtetiniń stýdentteri, jastardyń qamqorshysy men qoldaýshysy, Ult kóshbasshysy Nursultan Ábishuly Nazarbaevtyń syndarly pikirleri men ulaǵatty usynystaryn tolyq qoldaıtyndyǵymyzdy bildiremiz.
Biz «bolashaqta otansúıgishtik sezimderi sheksiz, salaýatty ómir saltyn ustanǵan, zııatkerlik oı-órisi tereń azamat bolamyz» - dep ýáde beremiz!
Biz - jaspyz! Biz - belsendimiz!
Biz aldymyzǵa maqsat qoıyp, ony oryndaýǵa daıynbyz!
Biz óz Otanymyzdy sheksiz súıemiz!
«Nur Otan» - «Jas Otan» - tilegi bir Qazaqstan!
«Nur Otan» - «Jas Otan» - gúldene ber, Qazaqstan!
«Aýyldyń gúldenýi - Qazaqstannyń gúldenýi»,
Bolashaqty qalaýda
Birge qadam bastaıyq!
Qazaqstan jastary,
«Alǵa!» - dep uran tastaıyq.
«Alǵa» jastar!!!»,-delingen QazATÝ stýdentteriniń Úndeýinde.
