«Jas Otan» jastar qanaty Elbasy Joldaýyn túsindirý jumystaryna belsene kiristi

ASTANA. QazAqparat - Búgin «Jas Otan» Jastar qanaty Astana qalalyq fılıaly Elbasy Nursultan Nazarbaevtyń  «Qazaqstandyq úshinshi jańǵyrý: Jahandyq básekege qabilettilik» atty joldaýy men bılik tarmaqtary arasynda ókilettikti bólý konstıtýtsııalyq reformasynyń jobasyn túsindirý maqsatynda elordadaǵy «Kók bazar» qyzmetkerlirmen kezdesý uıymdastyrdy, dep habarlaıdy QazAqparat.

«Búgin biz «Shanhaı» ortalyq bazarynyń qyzmetkerlerimen kezdesý ótkizdik. Mundaǵy basty maqsatymyz bir jyl boıy jumys istegen keńes ortalyǵy týraly túsindirý júrgizý edi. Munan bólek, ózderińiz de biletindeı, osydan birer kún buryn Elbasy Nursultan Nazarbaev halyqqa óz Joldaýyn arnaǵan bolatyn.  Ony da bazarda qyzmet etetin jastarǵa túsindireıik dep sheshtik», deıdi «Jas Otan» Jastar qanaty Astana qalalyq fılılalynyń tóraǵasy Muhamedjan Bolysbek.

Onyń aıtýyna qaraǵanda, bazarda 1  jylǵa jýyq ýaqyttan beri keńes ortalyǵy jumys  isteýde. Ortalyqta jumyspen qamtý ortalyqtarynyń, Turǵynúıjınaqbankiniń ókilderi kelýshilerge ózderin tolǵandyrǵan saýaldarǵa qatysty keńes berip otyrady. Munan bólek, kelýshiler óz usynystaryn da jasaı alady.

«Biz aldaǵy ýaqytta usynystardy jınaqtap, «Nur Otan» partııasynyń qabyldaý bólimine jetkizip otyramyz jáne olardyń júzege asyrylýyna septigimizdi tıgizbekpiz. Munan bólek biz Elbasynyń Joldaýyna baılanysty Astanananyń barlyq joǵary oqý oryndarynda, kolledjder men mektepterinde túsindirý jumystaryn júrgizip jatyrmyz. Osy ýaqytta deıin 8 oqý ornynda boldyq»,- dedi Bolysbek.

Aıta keteıik, sharaǵa «Nur Otan» partııasy janyndaǵy «Jas Otan» jastar qanaty Astana qalalyq fılıalynyń ókilderi, bazar qyzmetkerleri men saýdagerler qatysyp, ózderin tolǵandyrǵan saýaldarǵa tuşymdy jaýap aldy.