Jas Otan qorǵaýshylar «25» sanyna sap túzep, ózgeshe aktsııa ótkizdi
Astana, Almaty, Qaraǵandy jáne Shymkent qalalaryndaǵy «Jas ulan» respýblıkalyq áskerı mektepteriniń tárbıelenýshileri barsha qazaqstandyqtardy kele jatqan meırammen alǵashqylardyń biri bolyp quttyqtaýǵa bekindi. Táýelsizdik kúni merekesi qarsańynda jas Otan qorǵaýshylar merekelik datany bildiretin «25» degen sanǵa sap túzep, ózgeshe aktsııa ótkizdi.
«Men óz Otanym - Qazaqstandy súıemin», - dep aǵynan jaryldy ulan Aıbek Jarkov. Qazirgi kezde men «Jas ulan» mektebinde bilim alyp júrmin. Men erteńgi kúnime senimdimin. Sondyqtan bolashaǵymdy jasaı otyryp, memleketke bir paıdamdy tıgizgim keledi. Biz - bolashaq urpaq, memleketimizdiń keleshegi dittegen maqsatymyzǵa qol jetkizý úshin barlyq kúsh-jigerimizdi salamyz». 
Osylaısha, Qazaqstannyń túkpir-túkpirinde bilim nárin sýsyndap júrgen jasulandyqtar barsha qazaqstandyqtardy quttyqtap qana qoımaı, sonymen birge, Qazaqstan Respýblıkasy Táýelsizdiginiń 25 jyldyǵyn atap ótý qarsańynda kaznette bastaý alǵan «#I_LOVE_KZ» fleshmob-aktsııasyn qoldady. Fleshmobty tanymal qazaqstandyq juldyzdar, saıasatkerler men qoǵam qaıratkerleri de qoldady. Birneshe myńdaǵan adam ózderiniń paraqshalarynda Qazaqstan Respýblıkasynyń Memlekettik Týy aıasyndaǵy fotosýretterdi ornalastyrdy. Qazaqstandyqtar da óz eline degen súıispenshilikterin bildire otyryp, jelide shaǵyn mátinderi men rolıkterin ornalastyrýda. 
